Nga Sali Berisha

Komisioni i vetingut te narkopolicise me dy standarte. Njeri i ligjit tjetri i Gjeneral Hashashit.

Lexoni denoncimin e oficerit dixhital. sb

Të nderuar anëtarë të KJV.
KJV thoni ju, është organ i krijuar nga ligji Nr. 12/2018 datë 5.3.2018 "“Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme” I ndryshuar.
Po në këtë ligj në nenin 38/g thuhet
g) verifikimin nëse ka qenë person në ndjekje për spiunazh apo terrorizëm, anëtar, bashkëpunëtor ose i favorizuar nga ish-Sigurimi i Shtetit para vitit 1990, sipas ligjit për të drejtën e informimit me dokumentet e ish-Sigurimit të Shtetit të Republikës Popullore Socialiste të Shqipërisë. Ose e i thënë qartë në mënyre shterues të këtij neni (bashkëpunëtorët dhe oficerët e Sigurimit të Shtetit ndalohen të shërbejnë në radhët e Policisë së Shtetit).
Ju sot të nderuar anëtarë të KJV dhatë një vendim për subjektin e vlerësimit kalimtar z. Gjovalin Loka pozitiv, ku e konfirmuar në detyrë.
Si një ish punonjës policie, taksapagues dhe qytetar i Republikës së Shqipërisë kam disa pyetje për ju.
1.A e keni lexuar dosjen personale të subjektit për vlerësim, (në dijeni time z. Loka ka mbaruar shkollën e Sigurimit dhe është titulluar oficer I sigurimit të shtetit) ?
2.A e keni lexuar ligjin Nr. 12/2018 datë 5.3.2018 "“Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme”? I ndryshuar.
3.Ne ndërgjegjen tuaj ky vendim a është i drejtë?
4.A do ndiqet i njëjti standard me të gjithë punonjësit e policisë? (apo ca të nënës e ca të njerkës e thënë shqiptarçe).
Po kur do bëhet ky vend ynë, që të gjithë të jemi të barabartë para ligjit dhe ligji të jetë mbi të gjithë!