Euractiv, një media me qendër në Bruksel dhe që ka në fokus të saj zhvillimet në BE, shkruan sot se ndryshimet kushtetuese në Shqipëri kanë zbehur entuziazmin e BE për reformën në Shqipëri.
Në një analizë për zgjerimin e BE në Ballkan, ku jepen detaje mbi procesin në të gjitha vendet e rajonit, thuhet se ndërsa Maqedonia po realizon reformat Shqipëria duhet të plotësojë një sërë kushte për mbajtjen e konferencës së parë ndërqeveritare.
“Pasi vlerësoi Shqipërinë për kalimin e reformës zgjedhore, një nga parakushtet, BE ishte më pak se entuziaste kur dëgjoi për ndryshimet kushtetuese të miratuara nga shumica socialiste në pushtet. Ndryshime për të cilat opoizita thotë se ishin të motivuara politikisht”,- shkruhet në artikullin e Euractiv.