Arben Kashahu, Sekretari për Çështjet Ndërkombëtare në Partinë Demokratike, duke komentuar vizitën e kryeministrit Rama në Berlin ku nuk u prit nga drejtuesit e CDU-së, thotë se kreu i qeverisë nuk mori në konsideratë kushtet e Bundestagut gjerman.
kashahu
“Rama nuk dha prova për integrimin. Ai nuk u mori në konsideratë kushtet e Bundestagut,” tha Kashahu.
“Qeveria ka dështuar për të treguar përpjekje për realizimin e kushteve. Kushti numër 1 ishte reforma zgjedhore. Sjellja e mazhorancës ndaj reformën zgjedhore është pengesë për integrimin,” tha Kashahu në Syri.tv.
Ai komentoi edhe politikën e Ramës me fqinjët, duke theksuar se Shqipëria jo vetëm nuk i ka shuar problemet në rajon, por i ka shtuar.
Kashahu tha se Rama nuk ka treguar se është perëndimor.
“Njeriu i Perëndimit në Shqipëri nuk është Rama, njeriu i Perëndimit në Shqipëri është Basha,” tha Kashahu.
