Ambasadorja amerikane në Shqipëri Yuri Kim reagoi e kënaqur për operacionet e fundit të SPAK. Përmes një postimi në twitter ajo shkruan se abuzimi me tenderat është njësoj si të vjedhësh të gjithë qytetarët shqiptarë, por edhe ata amerikanë që ndihmojnë ekonomikisht Shqipërinë me taksat e tyre.
“Jam e kënaqur që po shoh çdo ditë rezultate nga SPAK. Abuzimi ose manipulimi i proceseve të prokurimit publik është njësoj si të vjedhësh të gjithë qytetarët shqiptarë, përshirë edhe ata amerikanë, taksat e të cilëve shkojnë në ndihmë të Shqipërisë, për të mbushur xhepat e tyre ose të miqve. Ky është një krim”, shkruan ambasadorja Kim