Kryedemokrati Lulzim Basha do të propozojë 11 ndryshime statuore, të cilat do të shqyrtohen nga Kuvendi Kombëtar i PD më 17 korrik.

Basha kërkon rikonstrukturim të Kryesisë së Seksionit, dhe zgjerim të Kryesisë së Degës, ku do të përfshihen edhe anëtarët e Këshillit Kombëtar që kanë vendbanim apo janë caktuar ta mbulojnë atë degë.

Ai propozon organizimin e Këshillit Kombëtar sipas departamenteve, të cilat do të përcaktohen sipas ndarjes që kanë dhe komisionet e përhershme të Kuvendit, të cilat do të trajtojnë çështjet sipas fushave të tyre.

Kryedemokrati propozon ndryshime edhe në Sekretariatin Ekzekutiv, duke hequr numrin limit të sekretarëve funksional në përberje të tij. Gjithashtu kërkon që Komisioni i Apelimit dhe Komisioni i Integritetit dhe Etikës të shkrihen në një të vetëm.

Sipas Bashës, këto propozime thjeshtojnë përmbajtjen e statutit dhe rregullojnë gabimet pa prekur thelbin.

Më herët ishte anëtari i Kryesisë, Fatbardh Kadilli që depozitoi disa ndryshime statuore që në thelb kishin forcimin e rolit të anëtarëisë dhe dobësimin e "vulës" së kryetarit