Ka përfunduar mbledhja e Kryesisë së Partisë Demokratike, e cila zgjati rreth dy orë e gjysmë.

Në këtë mbledhje, ku nuk munguan edhe debatet, u mratuan katër pikat e parashikuara që do i dërgohen për miratim Kuvendit.

Kështu, Kryesia miratoi ndryshimet statutore të Bashës dhe lista e anëtarëve të rinj të Këshillit Kombëtar.

PO ashtu, Kryesia e PD miratoi edhe analizën e zgjedhjeve të 25 prillit, e cila u kundërshtua nga drejtuesit politik, kryesisht nga dy nënkryetarët, Edi Paloka dhe Edmond Spaho.

Mbledhja e Kryesisë së PD, drejtuesit politik kundër Gaz Bardhit për analizën e zgjedhjeve: Jo realist
15 Korrik, 18:40
4 pikat e rendit te ditës:

1. Shqyrtimi i përmbledhjes së analizës së masakrës zgjedhore të 25 Prillit, për fazën e parë të saj.
2. Shqyrtimi i ndryshimeve në Statutin e Partisë Demokratike që do t'i propozohen për miratim Kuvendit Kombëtar të Partisë, në mbledhjen e tij të datës 17 Korrik 2021.
3. Miratimi i urdhrit për ngritjen e Komisioneve të Votimit dhe Numërimit për zgjedhjet e anëtarëve të Këshillit Kombëtar në mbledhjen e datës 17 Korrik 2021 të Kuvendit Kombëtar.
4. Njoftimi nga Kryetari i Partisë i listës që do të propozojë për votim për kandidatët për anëtar të Këshillit Kombëtar