Presidenti serb, Aleksandër Vuçiç renditi edhe njëherë arsyet në Forumin e Shkupit për rëndësinë e Mini Shengenit dhe të mirat që do të sjellë ai për vendet që do të bëhen pjesë e tij.
Kreu i shtetit serb vlerësoi bisedimet me liderët e tjerë rajonalë dhe theksoi nevojën për të parë nga e ardhmja për t’u lënë diçka brezave të ardhshëm.
Kryeministri i Kosovës, Albin Kurti, sikurse edhe liderët tjerë kosovarë, vazhdojnë ta refuzojnë këtë inciativë, duke thënë se integrimi evropian nuk ka alternatië.
“Qëndrimet tona për idenë e Novi Sadit, të ashtuquajtur ‘Minishengen’, tashmë janë të njohura. Kjo iniciativë nuk e ka miratimin tonë”, kanë thënë nga Zyra e Kryeministrit në lidhje me këtë
Kurse gazeta kosovare, Express, thekson se ajo që ka rënë në sy, ka qenë mënyra se si Vuçiç iu është referuar kryeministrit të Maqedonisë dhe atij të Shqipërisë.
Teksa Zaevit i ka thënë vetëm zyrtarisht, “i nderuar kryetar i Qeverisë”, Ramën, Vuciçi e ka quajtur mik të dashur e të nderuar.
“I nderuar kryetar i qeverisë së Maqedonisë, Zoran Zaev, miku im i dashur e i nderuar, z.Rama, të nderuar mysafirë”, tha Vuciç