Ambasada e SHBA ka njoftuar nëpërmjet një deklarate se nuk mund të sigurohet kalimi i sigurt i shtetasve afganë në aeroport.

"Qeveria e SHBA nuk mund të sigurojë kalimin e sigurt në aeroportin ndërkombëtar Hamid Karzai", shkruhet në deklaratë.

Gjithashtu ambasada amerikane në Afganistan njofton se fluturimet e siguruara nga qeveria amerikane po nisen, duke dhënë udhëzimet e duhura për të interesuarit.

"Fluturimet e siguruara nga qeveria amerikane po nisen. Qytetarët amerikanë, LPR -të, bashkëshortët dhe fëmijët e tyre të pamartuar (nën moshën 21 vjeç) duhet të marrin parasysh udhëtimin në Aeroportin Ndërkombëtar Hamid Karzai. Ju duhet të planifikoni të hyni në aeroport në Camp Sullivan. Nga Rrethi i Trafikut Jugor të Aeroportit HKIA, drejtohuni në lindje për 1 km dhe kthehuni djathtas në Kampin Sullivan. Ju lutemi vini re se portat mund të ndryshojnë shpesh dhe se ne do të ofrojmë përditësime sipas nevojës."

Të dielën, 15 gusht, talibanët, pas largimit të trupave amerikanë nga vendi, hynë në Kabul, duke marrë kontrollin e Afganistanit. Si rrjedhojë, që nga ajo ditë e deri më tani qytetarët afganë e të huaj janë dyndur në aeroport, duke shkaktuar kaos e panik,për të shpëtuar nga grupi ekstremist.Megjithatë, ka një numër të madh personash që presin për tu nisur drejt perëndimit.

Çfarë është ligji i Sheriatit dhe çfarë do të thotë për gratë në Afganistan?