Kreu i PD, Lulzim Basha i është përgjigjur kryeministrit Rama duke e siguruar se beteja e demokratëve dhe shqiptarëve nuk është kundër PS.

Basha thotë se shqiptarët i dinë dështime e qeverinë dhe përballë regjimit detyra qytetare është bashkimi dhe puna për kthimin e demokracisë e legjitimitetit në Shqipëri.

Ai siguron se platforma qytetarë për demokracinë do të bëjë bashkë të gjitha forcat e gjalla të shoqërisë që e duan ndryshimin dhe kërkojnë të shpëtojnë vendin.

STATUSI NGA LULZIM BASHA

Beteja jonë dhe e shoqërisë shqiptare nuk është kundër Partisë Socialiste, por kundër pakicës së korruptuar që ka kapur shtetin dhe e plaçkit atë me një grusht të vogël njerëzish, me të cilët masakron zgjedhjet, kriminalizon politikën dhe shkatërron ekonominë. Shqiptarët i’a dinë dështimet, raportet ndërkombëtare i’a kanë ekspozuar babëzinë, askush nuk gënjehet nga ripërtypja e fjalimeve të vjetra të atij që ka varfëruar familjet shqiptare dhe ka degdisur gjysmë milioni shqiptarë. Përballë këtij regjimi, kemi detyrën qytetare të bashkohemi dhe të punojmë për kthimin e demokracisë dhe legjitimitetit në vend. Platforma qytetare për demokracinë do të bëjë bashkë të gjitha forcat e gjalla të shoqërisë që e duan ndryshimin dhe janë të vendosura të shpëtojnë vendin nga sundimi i një pakice që mban peng të ardhmen e tij.