Këtë të martë Europol ka publikuar një raport prej 27 faqesh në lidhje me trafikun e kokainës në Europë.
Sipas këtij raporti, Belgjika dhe Holanda, dy shtete ku bandat kriminale janë forcuar së shumti vitet e fundit, janë bërë qendra kryesore për trafikun e kokainës.
Sipas Europol bandat kriminale përdorin qytetet që kanë Porte si ai i Roterdamit, Hamburgut dhe sidomos Antverpin për të transportuar drogën në Holandë.
Ky shtet sipas raportit i cili ëshët përpiluar së bashku me Zyrën e Kombeve të Bashkuara për Krim dhe Drogë, është qendra ku nis shpërndarja e kokainës në të gjithë Evropën.
Emigrantët tentuan të arratiseshin, arrestohet drejtuesi i furgonit në Pogradec
Kjo ka bërë që Spanja të kapërcehet si rrugë kryesore e kontrabandës, ku vetëm vitin e kaluar, në Antverp të Belgjikës u kapën rreth 65.6 tonë kokainë. Në shkurt, Gjermania dhe Belgjika kapën bashkërisht 23 tonë – një sasi kjo që u cilësua si rekorde.
Duke e klasifikuar si të rritur tregun e kokainës në Evropë kryesisht me furnizimet e shtuara nga Kolumbia, ku një marrëveshje e paqes me grupin gueril FARC, e arritur në vitin 2016, ka hapur sipas Europol tregun për konkurrencë. Bandat evropiane të drogës shpesh operojnë përgjatë vijave familjare, etnike ose gjuhësore, “duke përfshirë bandat marokene dhe shqiptare”, si dhe “grupin mafioz Ndrangheta të Italisë”.
Kokainë është është tashmë droga e dytë më e popullarizuar në Evropën Perëndimore dhe Qendrore pas kanabisitme 4.4 milionë përdorues