Dha dorëheqjen nga LSI,
Luan Rama takohet me
pronarin e rtv Ora , Ylli Ndroqi.
Pasi dha dorëheqjen nga të gjitha funksionet drejtuese në LSI, ish zëvendëskryetari i kësaj partie Luan Rama deklaroi përpara disa ditësh në një intervistë dhënë për “News 24” se ka paraqitur një projekt në disa subjekte mediatike dhe është në diskutim me to, mbi mundësinë që t’i kthehet profesionit të gazetarit.
Edhe pse Luan Rama nuk e zbuloi se ku e ka paraqitur projektin e tij, me sa duket nje nga mediat ku ish drejtuesi i lartë i LSI-së ka paraqitur projektin e tij, ështē edhe radiotelevizioni Ora, teksa është parë sot në shoqërinë e pronarit të këtij televizioni Ylli Ndroqi, siç duket edhe nga një foto që ka mbërritur në redaksinë tonë.
Po sot Luan Rama është parë të futet edhe në mjediset e pallatit Coin ku gjithashtu gjendet edhe redaksia e televizionit A2cnn.
Nisja e sezonit të ri parlamentar që e gjen ish deputetin e LSI-së në dy legjislatura jashtë parlamentit, me sa duket do të na japë mundësinë ta shohim atë në ndonjë nga ekranet e televizioneve.
Luan Rama në fillimet e karrierës së vet ka qenë gazetar për shumë vite dhe edhe kryetedaktor i gazetës “Zëri i Popullit”.