Pas përfundit të mbledhjes së e grupit parlamentar të PD-së, ku ka pasur debate të forta mes demokratëve për përjashtimin e Berishës, Flamur Noka ka folur për mediat.
‘Sali Berisha është njeriu më pro amerikan i 30 viteve të demokracisë. Ai themeloi PD, Berisha u ngrit kundër regjimit me ëndërrën amerikane në shpirtin e tij. Jetoi mbi 30 vite mbi këto parime.
Busulla e PD dhe Berishës ka qenë 1 dhe 1, Amerika. Në lidhje me vendimin e Blinken, Berisha ka kërkuar që PD të mos përfshihet.
Por përjashtimi i Berishës nga PD është mohimi i historisë. Është një vendim individual i Bashës’, tha gjatë fjalës për mediat Flamur Noka./CNA.al