Ish-kryeministri Sali Berisha, i cili tashmë është përjashtuar nga grupi parlamentar i PD ka deklaruar se do të nisë lëvizjen e tij në PD.
Në një intervistë për emisionin “Çim Peka”, Berisha tha se takimi i parë me bazën e PD, do të jetë në Tiranë ditën e enjte e më pas në të gjithë Shqipërinë.
Ai tha se PD duhet t’i hapet frymëmarrja Partisë Demokratike, dhe lëvizja e tij vjen për bashkim dhe zmadhimin e kësaj force poltike.
“Basha vepron për interesin e tij. Basha e ka marrë këtë vendim për pazar ose interes persona. Takimin e parë e kam ditën e enjte. Më pas në të gjithë Shqipërinë.
Lëvizja ime ka si synim që të vendoset dinjiteti i çdo anëtari të PD-së, të ketë edhe hapje në Partinë Demokratike, patjetër. PD i ka jetike flukset e reja, që të vijnë të rinj e të reja, por edhe burra e gra. Ka forca PD, në Këshill Kombëtar, parlament, duhet t’i hapet frymëmarrja Partisë Demokratike. Lëvizja ime është për bashkimin dhe zmadhimin e PD-së”, deklaroi Berisha