Kryeministri i Kosovës ka dalë para mediave pas takimit me dyer të mbyllura që zhvilloi me kancelaren Angela Merkel në Tiranë.
I pyetur nga mediat mbi diskutimin që zhvilloi, Kurti tha se ka theksuar 4 elementë që të ketë paqe të qëndrueshme në rajon.
“Për vendet tona theksova se janë 4 elementë të domosdoshme që të ketë paqe të qëndrueshme, stabilitet afatgjatë dhe siguri për të gjithë në rrugën e BE.E para sundimi i ligjit që vepron kundër korrupsionit dhe oligarkëve, e dyta demokratizimi që mundëson media të lira dhe vepron kundër autokratëve, e treta ballafaqimi me të kaluarën e që nuk lejon në liri kriminelë të luftës dhe e katërta repricoiteti, simetria i te drejtave të pakicave kombëtare në kundërshti me hemegjonite nacionaliste në Ballkan. Janë elementë për paqe dhe sigurinë drejt BE”, u shpreh Kurti.
Kryeministri i Kosovës shton se kanë folur me Merkel edhe për raportet me Serbinë. Sipas Kurtit statusi i Kosovës nuk është i diskutueshëm.
“Sa i përket raporteve të Kosovës me Serbinë , janë dy shtete që zhvillojnë dialog për statusin e marrëdhënieve me njera tjetrën.
Statusi i Kosovës nuk është i diskutueshëm, e theksova gjatë takimit se Kosova nuk kthehet në 2008 kur shpalli pavarësinë.
Pas zgjedhjeve të 14 shkurtit në Kosovë dhe formimit të qeverisë 22 mars në Kosovë ka stabilitet institucional.
Jemi për marrëdhënie të mira rajonale e fqinjësore nuk e kompesojmë Serbinë me territor për humbjet që i ka shkaktuar regjimi i Milloshevic, krimet e luftës nuk do ti harrojmë e nuk do ndalemi për të kërkuar drejtësi.
Shpjeguam qëndrimin tonë dhe Merkel u interesua për mbarvajtjen e dialogut në Bruksel, ku ndërmjetësues është Lajcak, i cili vjen nesër në Kosovë. Ka edhe mospajtime të thella.
Kur ka kërkesa të serbëve të Kosovës si qytetarë jam i gatshëm ti dëgjoj, por ankesat e Serbisë për humbjet që i ka pësuar si shtet i padrejtë. Procesi i Berlinit është i mjaftueshme për rrugëtim evropian dhe nuk ka nevojë për alternativa tjera. Iniciativat rajonale nuk besojmë të bëhen pa BE brenda. Dallimi mes procesit Berlinit dhe Open Ballkan është se në të dytën nuk e kemi BE”, tha Kurti