Një prej studentëve ka hedhur akuza të forta në hyrje të Fakultetit Histori Filologji në Tiranë, ku thotë se të gjithë studentët e pavaksinuar po diskriminohen nga punonjësit e administratës.
Ai shprehet se askush nga studentët që nuk do të vaksinohet nuk ka para të mjaftueshme që të bëjë çdo javë testin PCR, ndërkohë që paralajmëron një protestë paraditen e sotme.
Ai i fton të gjithë studentët e tjerë që të bashkohen në protestë, pasi e drejta për të zgjedhur mbi vaksinat, nuk mund të shkelet, për hir të së drejtës për arsimim.
“Ku jemi këtu në komisariat për të bërë shoqërime? Për të vëretuar gjëra formale. Diferencimi i studentëve jo po ti je me vaksinë, jo po ti je i pavaksinuar. Cfarë është kjo gjë, a keni lek me bo 60 mijë lekë test ju? Ku i keni të drejtat si studenta, kapini me fytyrë e pështyjini.
Protestë mor, protestë në orën 10:00. Kam ardhur me pa a na lënë të hyjmë. Vetëm 15% e studentëve janë të vaksinum. Ju që nuk doni të vaksinoheni mos bini pre e këtyre. Me hapa ligjorë do bëjmë protestë jo me shtyrje. Kapjini kamerat, shifni ca ftyrash kanë”, shprehet studenti.
Kjo e hënë i ka gjetur studentët dhe Universitetet në një gjendje kaosi, ku rast pas rasti po mbahen qendrime të ndryshme, për të pavaksinuarit.
Kështu në Elbasan janë lejuar të hyjnë në auditore të gjithë studentët, ku ata që nuk janë vaksinuar pritet të këshillohen, ndërkohë që në Vlorë të pavaksinuarit nuk janë lejuar fare të hyjnë në ambientet e brendshme të shkollës