Mbi 500 delegatë të Partisë Demokratike në Fier kanë firmat për mbledhjen e Kuvendit Kombëtar të PD, lëvizje kjo e iniciuar nga ish-kryeministri Sali Berisha.
Shifra u zbulua nga kryetari i degës së PD në Fier, Luan Baçi gjatë një lidhje direkte për 'Çim Peka Live' në Syri Tv.
Baçi tha gjithashtu se edhe ai vetë ka plotësuar formularin për Kuvendin e jashtëzakonshëm të PD.
"Kam marrë një informacion nga kryetarët dhe sekretarët e grup/seksioneve. Por unë kam qenë sehirxhi në këtë proces, ka qenë një punë shumë e shpejt sepse ishte dëshira e delegatëve dhe nga një informacion që kam, ka kaluar bi 500 numri i delegatëve, nga 600 që janë. Dega e Fierit ka 227 seksione, 227 delegatë automatikisht, 50 grupseksione, bordi këshillimor me 30-40 dhe këtë radhë unë me dakordësinë e qendrës, në statut parashikohet që delegatë janë edhe sekretarët e seksioneve të atyre seksioneve që kanë 50 anëtarë me numër, por ne vendosëm edhe ata që janë me më pak se 50 anëtarë. Numri i delegatëve të Fierit është mbi 600, ndërsa mbi 500 të tyre kanë firmosur për Kuvendin Kombëtar", u shpreh Baçi, duke pohuar se edhe ai vetë kishte firmosur për thirrjen e Kuvendit