Pranimi i padisë së ish-kryeministrit Sali Berisha nga Gjykata Korrektuese e Parisit, ka bërë jehonë në mediat ndërkombëtare.

Ishte vetë ish-kryeministri Sali Berisha që e deklaroi këtë gjë, gjatë ‘Foltores’ në Kavajë.

Sot gazeta Washington Times shkruan pikërisht për këtë lajm.

‘Ish-kryeministri i Shqipërisë Sali Berisha ka deklaruar se Gjykata Korrektuese e Parisit, Francë, ka pranuar padinë e tij ndaj Sekretarit të Shtetit, Antony Blinken.

Berisha e ngriti çështjen e tij në muajin maj pasi Blinken dha vendimin ndaj ish-udhëheqësit të kombit ballkanik nën akuzën e "korrupsion të madh" dhe e shpalli atë dhe anëtarët e familjes së tij ‘persona non grata’ në SHBA.

Ai tha se pretendimet e Blinken për "korrupsion të madh" ishin të pabaza dhe "të paraqitura pa asnjë provë, fakt apo dokument" që do të mbështeste vendimin për vendosjen e sanksioneve’, shkruan Washington Times