Ish-kryenegociatorja Edita Tahiri ka deklaruar se Serbia po destabilizon situatën në rajon pasi synon të krijojë Serbinë e Madhe duke përdorur edhe Open Balkan si një mbulesë për të realizuar planin shumëvjeçar. Ajo foli edhe për ndikim e Aleks Soros dhe deklaroi se ai qëndron pas projektit të shkëmbimit të territoreve

Tensione në Ballkan prej vitesh krijohen nga Serbia, e cila vazhdimisht kërkon të krijojë destabilitet për të arritur qëllimin e saj për Serbinë e Madhe. Gjatë një interviste për Syri TV, ish-kryenegociatorja e dialogut Kosovë- Serbi, Edita Tahiri u shpreh se projekti i Serbisë së Madhe u synua tre vite më parë por dështoi.

Edita Tahiri theksoi gjithashtu se pas projektit për ndryshimin e kufijve është Xhorxh Soros, i cili ka ndikim të madh të kryeministri shqiptar Edi Rama, e sot ky projekt po zbatohet nga djali i multimiliardierit, Aleks Soros.

Duke komentuar edhe intervistën e dhënë nga Rama për median gjermane Dojçe Vele për kufijtë, ajo tha se Ballkani i Hapur është një mbulesë e planit për të krijuar Serbinë e Madhe në rajon. Sipas Tahirit, sot Rama është i verbuar nga Open Balkan dhe veprimet me veprimet e tij po ndihmojnë Vuçiç për këtë projekt, duke bërë kështu një gabim historik.

Diplomatja kosovare, Edita Tahiri ritheksoi se Kosova është kundër projektit Ballkani i Hapur dhe se nëse partnerët europiane nuk do të reagojnë për tensionet, do të shkohet drejt konflikteve të reja në rajon