"Familja nuk asgjësohet me numra. Familja nuk preket. Edi Rama dhe pengu i tij të tërheqin ligjet ateiste".

Kështu u shpreh lideri historik i PD, Sali Berisha nga Saranda ku zhvilloi 'Foltoren' me demokratët dhe mbështetësit atje.

Për shqiptarët, tha Berisha, familja është e shenjtë dhe nuk mund të cenohet.

"Vlerat janë zotimi ynë solemn. Ne vendosim në themel familjen. Nuk ka asgjë më të shenjtë se familja, vlerat e saj. Do të bëjmë gjithçka për familjen, konsolidimin. Nëse kemi një trashëgimi të jashtëzakonshme kemi familjen, traditën familjare, kemi solidaritetin familjar.
Familja, prindërit nuk mund të asgjësohen me numra siç bën ky aventurier i bazuar në ideologjinë ateiste. Ne do të mbështesim konsoldimin e familjes, qëndrimin hyjnor të librave të shenjta ndaj saj, të besimeve fetare ndaj saj.

Ndaj dhe dua t'i them Edi Ramës dhe pengut të tij mos guxoni të prekni familjen me ato ligje ateiste që keni dërguar në Kuvend. Ne bazohemi te vlerat. Interesi kombëtar është orientim themelor i yni, por që një familje të arrijë të realizojë objektivat e veta, detyrimisht kurrë interesi i saj nuk mund të mbrohet jashtë interesit kombëtar", u shpreh Berisha.