Presidenti Ilir Meta ka reaguar në lidhje me tragjedinë që ndodhi në Bullgari në orët e para të mëngjesit të ditës së martë, ku humbën jetën 45 persona, ndërsa shtatë të tjerë ndodhen në gjendje të rëndë për jetën.
Përmes një postimi në rrjetet sociale, presidenti shprehet se ndjen hidhërim të madh për humbjen e jetës së shqiptarëve nga Maqedonia e Veriut duke i uruar shërim të shpejtë të mbijetuarve.
“Hidhërim i madh dhe trishtim i thellë për humbjen aksidentale tragjike të jetës të bashkëkombësve tanë nga Maqedonia e Veriut.
Në këto çaste të rënda i shpreh ngushëllimet më të thella familjarëve dhe autoriteteve të vendit fqinj, si dhe uroj shërim sa më të shpejtë dhe të plotë për të mbijetuarit!”, shkruan ai.