Pas vendimit të Departamentit të Thesarit në SHBA për të goditur me sanksione grupin kriminal të serbit Zvonko Veselinoviç në Veri të Kosovës, ka ardhur një reagim nga kryetari i AAK-së Ramush Haradinaj.
Sipas ish-kryeministrit SHBA-ja dhe Kosova janë të përkushtuar për sundimin e ligjit dhe kjo është një përpjekje e përbashkët për të luftuar korrupsionin dhe krimin e organizuar.
“Vendimi i Shteteve të Bashkuara të Amerikës për sanksionimin e krerëve të krimit të organizuar në Kosovë është lajm i shkëlqyeshëm për Kosovën. Vendimi do të ndihmojë misionin tonë të përbashkët për të goditur krimin transnacional në Kosovë dhe Ballkanin Perëndimor”, shprehet Haradinaj.