Presidenti Ilir Meta i ftuar në emisionin Çim Peka Live në Syri Tv, u pyet se a po kërkon zgjedhje të pjesshme për shkak të Bashës.
Meta theksoi se nuk ka asnjë punë me Bashën, duke shtuar se ai duket optimist, por vështirë se është i tillë.
Pyetje: Me veprimin tuaj pas 8 janarit duket se po ndikoni tek kriza e PD duke e detyruar të marrë një vendim nëse do të hyjë në zgjedhje apo jo.?
Meta: Dakord, po nëse do e merrja një vendim të tillë në shtator apo tetor, a do ndikoja? Po njësoj ishin rrethanat, PD në krizë ishte apo jo? Kjo a i shërben atyre qytetarëve të cilët duan të kenë një kryetar bashkie të përcaktuar prej tyre dhe jo të emëruar? Kryetari i bashkisë ka peshën kryesore. Çfarë të bëjmë ne tani? T’i lëmë kështu pafundësisht.
Pyetje: Ose mund të thuhet se për inat të Bashës?
Meta: Po ç’punë kam unë me Bashën, përse duhet ta kem inat me të, pse nuk e bëj për inat të dikujt tjetër. Ky është perceptim i gabuar e para. E dyta po të dëgjoj Bashën, ai vetëm fiton nga kjo me optimizmin që ka.
Pyetje: Nëse Basha ju thotë se nuk është gati për zgjedhje?
Meta: Le të thonë si të duan, të dalin qytetarë apo kandidatë të pavarur. Më kanë kërkuar të shpall datë për zgjedhje të pjesshme.