Analizë e Deutsche Welle me një citim timin si më poshtë:

“Genc Pollo, ish-deputet dhe ministër në qeverinë e PD-së, mbështetës i grupimit të Sali Berishës, mendon se grupimit të Bashës, i mungojnë komponentë thelbësorë për të bërë për vehte sa më shumë demokratë. „PD është anëtarësia, idetë dhe tradita politike si edhe fryma motivuese. Të tre këta komponentë thelbësorë i shoh tek PD e Kuvendit Kombëtar të 11 dhjetorit të kaluar. Basha mund të ketë godinat, vulën e financat e PD por absolutisht jo tre komponentët thelbësorë. Edhe dëmi që ai mund të sjellë për demokratët dhe për demokracinë, mendoj që do të mbetet i kufizuar", thotë Genc Pollo për DW.

Pollo, ish-deputet dhe ministër në qeverinë e PD-së
Ai thekson se sfida e grupimit mbështetës të Berishës është "zgjimi i shoqërisë nga letargjia për të kundërshtuar masivisht regjimin e Ramës. Por ashtu siç dolën anëtarët e PD nga letargjia në gjysmën e dytë të vitit të shkuar ashtu mund të dalë nga letargjia edhe tërë shoqëria shqiptare", thekson Genc Pollo.

https://m.dw.com/sq/tiranë-zgjedhjet-e-parakohshme-lokale-lakmus-për-palët-e-pd/a-60531434