Presidenti Ilir Meta ka uruar xhudisten kosovare, Distria Krasniqi pasi fitoi një medalje të artë në në garën “Grand Prix” që u zhvillua në Portugali.
Me anë të një postimi në rrjete sociale, Kreu i Shtetit shkruan: Urime së artës Distria Krasniqi!
Kujtojmë se xhudistja kosovare mposhti në finale garuesen kroate, Ana Viktorija Puljiz.
Vitin e kaluar Krasniqi kishte fituar medalje të artë në Lojërat Olimpike, që u zhvilluan në Tokio të Japonisë.
Më 18 dhjetor, 2021, Krasniqi u shpall xhudistja më e mirë në botë nga Federata Ndërkombëtare e Xhudos.
