Ardian Muka është kandidati i PD që synon udhëheqjen e Bashkisë së Durrësit.
Muka është prezantuar sot nga lideri historik i PD, Sali Berisha.
Në fjalën e tij, ai i ka quajtur të veçanta zgjedhjet në Durrës, pasi për më shumë se 20 vite, bashkia e qytetit bregdetar udhëhiqen nga socialistët.
Muka ka premtuar se këtë radhë do t’ua marrin udhëheqjen socialistëve.
"Sfida jonë është e veçantë sepse prej 22 vitesh nuk kanë arritur ta fitojë e djathta në Durrës. PD me këtë proces dhe me mbështetjen e forcave të koalicionit do ia kthejë qytetarëve Durrësin".
Në këtë premtim ai është mbështetur edhe nga Berisha, i cili ka thënë se: “Prej 20 vitesh Durrësi është viktimë e një peshkaqeni, por tani do ia tregojmë vendin”.