Presidenti Ilir Meta e quan dënimin me 3.4 vite burg të ish-ministrit të Brendshëm Saimir Tahiri si pjesë të drejtësisë me regji.

Nga Shkodra ku dha një intervistë për TV1 Channel, kreu i shtetit deklaroi se përgjegjës për kanabizimin e Shqipërisë është kryeministri Edi Rama.
Meta kujton se ka qenë kundër emërimit të Saimit Tahirit si ministër i Brendshëm në vitin 2013.

"Burgosja e Saimir Tahirit është pjesë e drejtësisë me regji. Saimir Tahiri nuk është arkitekti i kanabizimit të Shqipërisë. Ai ka qenë përgjegjës, por kryepërgjegjësi është kryeministri i cili e përdori për të fshehur përgjegjësitë e veta. I kam thënë Ramës që emërimi i tij si ministër ishte një zgjidhje e gabuar. Nuk më dëgjoi.

I kam thënë edhe vetë Tahirit që ti nuk mund të jesh ministër sepse nuk ke eksperiencë dhe je shumë i politizuar, për më tepër që do të keqpërdorin në atë funksion.

Samir Tahiri nuk është ai që e kanabizoj gjithë Shqipërinë. Unë vetë jam shumë i qetë sepse zotit Rama i kam thënë që nuk është ky personi i duhur për ministër të Brendshëm