Lideri historik i demokratëve, Sali Berisha, komentoi gjatë një interviste në TV Klan Neës edhe vendimin për dënimin e ish-ministrit Saimir Tahiri.
“Ai ishte një dënim i trukuar, qesharak. Ishte një kapak mbi një pusetë të narkoshtetit.
U faktua kontrolli i plotë dhe total mbi drejtësinë e George Soros nga Edi Rama.
Po të lexosh vetëm pikën 4 të vendimit, nuk ka një gjykatës që mund të japë më pak se 15 vite. Ndërkohë në total ai shkon jo më pak se 40 vite.
Ministri i Brendshëm nuk do arrinte kurrë të kanalizonte vendin. Ai largohej nga detyra e ministrit. Por Saimir Tahiri është shëmbëlltyra e zyrtarit më të kapur të narkoshtetit. Natyrisht Rama mbi të. Ai u shpall superministër nga Edi Rama. Shkoi në Shtëpi të Bardhë me Edi Ramën dhe Donald Lu.
Ky njeri u vu në ndjekje penale vetëm Antimafias Italiane, e cila është serioze. Punon për Italinë, punon edhe për ne. Dihen qëllimet e Edi Ramës, dihen edhe qëllimet e Donald Lu, që u kujtoi shqiptarëve gjyqet e komunizmit për Tahirin.
Ai u dënua për të dalë pas një viti.