Lideri historik i demokratëve, Sali Berisha duke marrë fjalën në sallën e parlamentit ka kërkuar nga ministri i Drejtësisë përgjigje se pse fshihet vetingu i disa prej anëtarëve të Gjykatës së Lartë.

‘Ministri që sapo foli, pse fshihet, mbahet sekret vetingu i Sokol Sadushit, Ervin Pupës, Ilir Pandës. Mbi ç’ligj, bazë, përveç se shpellave të mafies ndodh kjo’, u shpreh lideri historik i demokratëve, Sali Berisha nga salla e parlamentit.

Gjatë fjalës së tij, Sali Berisha u ndal edhe tek projekti i HEC-it Skavica që shkatërron tokat më pjellore te Dibrës.

Ai i ka kërkuar Ulsi Manjës që të tregojë se çfarë kompromisi ka bërë me Edi Ramën për shkatërrimin e Dibrës.

‘Cili është roli yt, thuaja këtu, shqiptarëve në denatyralizimin e Dibrës me HEC-in e Skavicës.

A ndjen ti dibran përgjegjësi për shuarjen e tokave pjellore të Dibrës. Çfarë kompromisi ke bërë me Ramën, për denatyralizimin e Dibrës.

U bëj thirrje të gjithë dibranëve, në Shqipëri, diasporë e kudo që të reagojnë’, u shpreh lideri historik i demokratëve, Sali Berisha, për gazetarët tek salla e parlamentit