Nga Petrit Vasili/
Kapja dhe degradimi i drejtesisë janë dy ortakët më të mëdhenj të korrupsionit dhe narkoshtetit!
Kapja e degradimi i drejtesisë nga qeveria janë metastazat e kancerit të qeverisjes mafioze në Shqipëri.
Një pushtet i paaftë, por mafioz dhe i paskrupullt në shitjen e çdo interesi publik përfshirë dhe kufijtë e vendit ka sjelle një rrënim ekonomik, social dhe politik qe çon drejt një korrupsioni të pandalshem i cili thellon varfërinë dhe mjerimin që largojnë mijra shqiptarë nga vendi.
Kapja e Drejtësisë nga rilindja dhe kolapsi total i sistemit të drejtësisë, kanë siguruar pandeshkueshmerinë totale të rilindjes.
Reformën e kapur në Drejtësi nuk e shpetojnë dot pazaret dhe kozmetikat me ca ditë të zgjatura të vetingut por hetimi deri në fund dhe nxjerrja e ndeshkimi i përgjegjesve të kapjes së saj.
Çdo pazar me Reformën në Drejtësi vetëm legjitimon kapjen përfundimtare të saj dhe asgjësimin e shtetit të së drejtës.
Çdo pazar me reformën në Drejtësi është ortakeri me krimin shtetëror të Ramës dhe rilindjes.
Dështimi dhe kapja e drejtësisë faktohet lehtë dhe nuk kapërcehet me propagandë, sepse skaneri i reformës në drejtësi tregon qartë se problemet janë shumë më të rënda:
1.Drejtësia me regji, që nuk vepron edhe kur falsifikohen dokumentat shtetërore nga Kuvendi i Shqipërisë përpara Gjykatës Kushtetuese kundra Kreut të Shtetit.
2.Drejtesia me regji që nuk vepron për Inceneratorët, Teatrin Kombëtar, Becchetin, Portin e Durrësit e dhjetra çeshtje tepër të rënda.
3.Dhjetëra mijëra dosje kanë mbetur pa u trajtuar që nga Gjykata e Lartë me 36 mijë dosje e deri te gjykatat e të gjitha niveleve ku mbi 70 mijë të tjera janë bërë stivë.
4.Gjykata Europiane e të Drejtave të Njeriut në Strasburg ka dënuar pak ditë më parë për një çeshtje me gjobë deri në 5 mijë euro qeverinë shqiptare për vonesat disavjecare në gjykim.
Mendoni që janë dhjetra mijra çeshtje dhe ka mjaft prej tyre që kanë më shumë se 5 vjet, që presin dhe ky precedent i Strasburgut mund të shkaktojë një dënim me dhjetra milion euro
5. Në pesë vitet e fundit, volumi i punës në gjykata është rritur nga dyqind në dymijë dosje për çdo gjyqtar, ndërsa koha mesatare e zgjidhjes së një çështjeje është rritur mesatarisht nga 180 ditë në 730 ditë.
6. Asnjë Strategji nuk u hartua për të zgjidhur kolapsin total të Sistemit Gjyqësor në të gjitha nivelet, ku mungesat në personel janë kritike.
7. Afatet kushtetuese të Reformës në Drejtësi të votuar në 21-22 korrik u shkelën të gjitha dhe asnjë përgjegjësi nuk ka dalë për këtë, por përkundrazi e kanë kthyer Kushtetutën në një letër pa vlerë.
8. Dhjetëra ligje të Reformës në Drejtësi janë ndryshuar ende pa filluar akoma funksionimi i tyre, pa konsultim me Komisionin e Venecias, vetëm me nisma të njëanshme të qeverisë dhe janë miratuar nga një parlament jolegjitim dhe njëpartiak.
9.Nepotizmi politik rilindas me vellezer e motra e kusherinj te ministrave ne emerimet e anetare te Komisioneve te vetingut eshte fakt dhe shkak per mosbesimin ndaj vleresimeve te tij.
10. Konkurrimi për vendet e reja në sistemin e drejtësisë ishte fiktiv, pa garë dhe pa numrin minimal të konkurrentëve për çdo post, duke bërë kontrollin e plotë të procesit nga Rilindja, duke ulur dukshëm cilësinë dhe duke realizuar thjesht mbushjen e vendeve dhe kapjen e institucioneve të reja të drejtësisë.
11. KED u bllokua për një kohë të gjatë në dhunim të Kushtetutës dhe ligjit me qëllimin e vetëm, atë të kapjes së tij nga Rilindja.
Shorti i hedhur nga Kryetari i Parlamentit Meta u pengua nga Rilindja edhe nga ndërkombëtarët duke lënë qëllimisht vendin pa Gjykate Kushtetuese për tre vjet rresht dhe ende sot të paplotësuar.
12. Gjatë procesit të plotësimit të Gjykatës Kushtetuese u vërtetua tentativa mafioze e kryetarit të KED, Dvoranit për të rrëmbyer anëtarët e Gjykatës Kushtetuese, që ishin kompetencë e Presidentit.
13. Vetingu u katandis në një Inspektoriat të Deklarimit të Pasurisë dhe asgjë më shumë. Funksionoi me standarde të dyfishta dhe u kritikua hapur nga Komiteti i Helsinkit që shprehej:
“vëzhguesit e KSHH-së kanë evidentuar raste sporadike të standardeve të dyfishta në vendimmarrjen e KPK-së, ndaj kemi mendimin se praktika e vetingut ka nevojë të konsolidohet. Procesi i rivlerësimit është bazuar kryesisht në kriterin e pasurisë, duke mos pasur në konsideratë edhe dy kriteret e tjera: atë të vlerësimit të figurës dhe të aftësive profesionale”, thoshte Komiteti Shqiptar i Helsinkit.
14. Gjykata Kushtetuese dhe Gjykata e Lartë janë edhe sot pa numrin e plotë të funksionimit të tyre duke kaluar çdo afat kushtetues.
Ky eshte realiteti shume i rende i Drejtesise ne Shqiperi, qe po rrezon Shtetin ne cdo aspekt te tij.
Kjo gjendje kaq kritike e Drejtesise ne gjendje kome kerkon terapi intensive dhe jo karamele me Veting