Kandidati i Shtëpisë së Lirisë në Durrës, Ardian Muka, ka postuar një video në “Facebook”.
Muka shprehet se në takimin me banorët e zonës së ish-Kënetës, kanë pastruar nga mbeturinat pjesën e lumit.
Muka thekson se vetëm në një ditë u bë punë me qytetarët e Durrësit, duke shtuar se nga data 6 mars, për qytetin bregdetar më të madh në vend do nisë transformimi i madh.
Postimi i kandidatit të Shtëpisë së Lirisë në Durrës, Ardian Muka:
Sot me banorët e zonës së ish-kënetës arritëm të sjellim një ndryshim vetëm nga një takim modest!
Prej ditësh mbeturinat nuk hiqeshin në rrugën “Vëllazërimi”, por mjaftoi takimi dhe mbledhja e dhjetra qytetarëve, që të nxiste bashkinë të punonte.
Nga data 6 mars ne do ta bëjmë këtë punë siç duhet. Të ardhurat e durrsakëve do të shkojnë për të përfunduar punët në shërbim të qytetarëve dhe jo vidhen nga zyrtarët bashkiakë.
Një kryebashkiak vetëm për interes të Durrësit!
#ArdianMuka #Shprese #Ndryshim #Fitore #BashkiaDurres