Pasditen e sotme, Presidenti i Republikës Ilir Meta ka nisur mbledhjen e Këshillit të Sigurisë Kombëtare ku po diskutohet mbi situatën kritike në Ukrainë.
Sipas informacioneve për Syrin, mbledhja e sigurisë ka nisur në orën 16:00 dhe ka zgjatur rreth 1 orë.
Në këtë mbledhje nuk është i pranishëm kryeministri Rama, pasi ky i fundit është nisur drejt SHBA-ve për takimin me sekretarin e shtetit Blinken.
Në vend të kreut të qeverisë është zv.kryeministri Arben Ahmetaj. Të pranishëm janë po ashtu Shefi i Stabit, Bajram Begaj, Shefi i SHISH, Helindon Bendo, Ministri i Mbrojtjes, Niko Peleshi, Ministri i Brendshëm Bledi Çuçi.
Ende nuk dihet se çfarë është vendosur në këtë mbledhje të rëndësishme për situatën e tensionuar gjeopolitike.
Sipas informacioneve të Inteligjencës amerikane ka shumë gjasa që këtë javë Rusia të pushtojë Ukrainën