Kryeministri Edi Rama ka dhënë një intervistë te Zëri i Amerikës, ku ndër momentet më pikante ishte edhe projekti amerikan Akademia e Transparencës, i cili është ende në fazë përgatitore në bashkëpunim me ShBA-në.
Pyetjes së gazetarit të VOA-s se në cilën faze ndodhet ky projekt Rama u përgjigj me cinizëm se duhet të pyesi administratën në ShBA pasi e kanë afër, por njëkohësisht ka hedhur akuza në drejtim të amerikanëve se për projektet e tyre në Shqipëri ‘thuhet se lekët i jepen Shqipërisë dhe lekët përdoren për të paguar ekspertët që vijnë nga këtu apo një vend tjetër dhe paguen në mënyrë mbresëlënëse’.
Pyetje VOA: Pak më shumë se një vit më parë u fol për krijimin e Akademisë së Transparencës në bashkëpunim me ShBA-në, në çfarë faze është a po ecën përpara?
Rama: Për këtë duhet të pyesni përfaqësuesit e administratës amerikane, këtu e keni afër, USAID-in.
Pyetje VOA: Por kjo është një akademi transparence për Shqipërinë, këta po ju ndihmojë.
Rama: Ata po na ndihmojnë por spo e krijojnë, ky është problemi.
Pyetje VOA: Pra projekti është i pezulluar.
Rama: Jo nuk është i pezulluar por në proces diskutimi që po zgjat dhe po presim të mbarojë me sukses. E rëndësishme është që pala amerikane është e angazhuar të bëjë një gjë konkrete serioze dhe jo një projekt ku thuhet se lekët i jepen Shqipërisë dhe lekët përdoren për të paguar ekspertët që vijnë nga këtu apo një vend tjetër dhe paguen në mënyrë mbresëlënëse dhe japin receta të gatshme që nuk funksionojnë shpesh herë.