Kryetarja e LSI-së, Monika Kryemadhi ka publikuar të tjera fakte në lidhje me aferën e inceneratorëve.
Në postimin e saj në Facebook, Kryemadhi tregon sesi kompanitë janë krijuar me qëllimin e vetëm për të realizuar evazionin financiar.
Kryemadhi thotë se se do vijojmë të bëjnë publike, pa kompromis, faktet tronditëse të aferës së 3 inceneratorëve, ndërkohë kërkon nga SPAK, të shohin paditë dhe faktet e paraqitura, për t’i vendosur para drejtësisë të gjithë përgjegjësit.
Postimi i plotë i Monika Kryemadhit:
Ja “veprat” e Edi Ramës, që qytetarët ta kuptojnë se ku ikin paratë e tyre!
Nga 31 miliard lekë, që qeveria i ka dhënë inceneratorit të Fierit deri në Dhjetor 2021, 2,1 miliard lekë, rezultojnë të jenë implikuar në një skemë krimi financiar.
Këto janë faturat tatimore me data, se si Inceneratori Fier ka realizuar skema për fryrje kostosh dhe rimbursim TVSH-je.
Kompanitë janë krijuar me qëllimin e vetëm për të realizuar evazionin financiar, ato kanë nga 2 punojës, të regjistruar fiktivisht, nuk kanë mjete, si dhe rezultojnë pa liçencat.
Pagesat për Inceneratorin e Fierit duhet të kishin ndaluar prej kohësh dhe duhej të ishte nën sekuestro preventive.
Ndërkohë që do vijojmë të bëjmë publike, pa kompromis, faktet tronditëse të aferës së 3 inceneratorëve, inkurajojmë prokurorët e SPAK, të shohin paditë dhe faktet e paraqitura, për t’i vendosur para drejtësisë të gjithë përgjegjësit!