Me këto rreshta gjej rastin ti drejtohem të gjithë demokratëve lushnjar. Ju drejtohem me përulësi dhe respekt ju opozitarëve qëndrestar, kryelartë e të palodhur.
6 Marsi prodhoi rezultate tashmë të njohura nga të gjithë ne.
Unë jam i bindur se këto rezultate nuk duhet të shërbejnë për të krijuar mëri dhe inat që degradon në statuse dhe komunikime negative për bashkëqytetarët tanë, mbi të gjitha ata demokratë, kjo sepse në një moment e menduan ndryshe.
Pikerisht mendimi kritik dhe zgjedhja e lirë duhet të karakterizojë çdo anëtar të Partisë Demokratike. Demokracia dhe vetëm DEMOKRACIA, aspak presioni dhe patronazhizmi, është vlera që ne promovojmë në politkë.
Marr iniciativën të ftoj të gjithë demokratët pa përjashtim, edhe ata të cilët nuk ishin pëkrahë meje në këtë proçes pa asnjë mëri personale, të bashkohemi në rrugëtimin e vështirë por jo të pamundur drejt fitores së shumepritur.
Ky makth që i ka sjell demokratët në udhëkryqin e përçarjes zgjidhet vetëm nëpëmjetë votës së lirë.
Bashkimi dhe jo percarja duhet të jetë motoja, ideali i Partisë Demokratike të qytetit të Lushnjes.
Vetëm të bashkuar mund t’ia dalim!