Ditën e nesërme do të jetë gjyqi ndaj 11 kuksianëve që janë arrestuar lidhur me protestën kundër vendosjes së takës së rrugës së Kombit.

Edhe pse ka pasur protesta të shumta nga qytetarët nuk është bërë asgjë që ata të lirohen, ndërsa ditën e nesërme do të jetë gjykata e Apelit që do të vendosë për ta.

Deputetit i PD-së Bardh Spahia përmes një statusi në profilin e tij në Facebook u ka bërë thirrje të gjithë shkodranëve që jenë ditën e nesërme në protestë për të kërkuar lirimin e kuksianëve të arrestuar.

Ai thotë se sytë e mendja e çdo shqiptari është në Shkodër, ndërsa ka ftuar të gjithë atë që të jenë në protestë.

Reagimi Spahiut:

Te dashur miq, qytetare te Shkodres. Neser paradite ne Shkoder tek Gjykata e Apelit (afer Bixhistenit) zhvillohet gjyqi ndaj 11 te arrestuarve per protesten e Kukesit. Nderi dhe tradita e Shkodres e don qe te jemi sa me shume dhe te reagojme sa me fort ne mbeshtetje te tyre dhe kunder gjyqeve politike te cilat na kujtone kohet me te erreta te Shqiperise dhe me te cilat Shkodra dhe shkodranet nuk jane pajtuar as gjate diktatures me te eger. I gjithe grupi parlamenter i PD-se do jete aty. Syte, mendja dhe zemra e cdo demokrati kudo ku ndodhet neser do jene ne Shkoder. Le te jemi sa me shume neser ne ora 10 tek gjykata e apelit. 
Ju faleminderit.