Presidenti Ilir Meta ka reaguar në lidhje me protestat që kanë vijuar për tre ditë rresht kundër rritjes së çmimeve të karburantit dhe produkteve ushqimore.

Meta përmes një postimi në rrjetin social Facebook, i ka bërë thirrje qeverisë që të marr përsipër përgjegjësinë e çështjeve që shqetësojnë qytetarët, ndërsa i ka tërhequr vëmendje edhe Policisë së Shtetit për tu distancuar nga dhuna

“I bëj thirrje Qeverisë të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin, për dinjitetin dhe të drejtat e tyre thelbësore.

Policisë së Shtetit i tërheq vëmendjen për t’u distancuar nga dhuna e papranueshme dhe ndalimet e pajustifikuara”, tha Meta