Presidenti Ilir Meta ka reaguar me tone të forta në lidhje me një video, ku punonjës të policisë dhunojnë qytetarët në protest.
Në një postim në rrjetet sociale, Meta shkruan se ky është një skandal, që meriton ndëshkim ligjor.
Po ashtu ai fton të gjithë qytetarët të “shndërrohen” në gazetarë dhe të denoncojnë abuzimet dhe dhunën e pajustifikuar, të papranueshme dhe të dënueshme të çdo punonjësi të Policisë së Shtetit.
“Skandal që meriton ndëshkim ligjor!
Por nëse nuk do të kishte gazetarë çfarë duhet të ndodhte më keq?!
Duke i përgëzuar të gjithë reporterët për pasqyrimin me objektivitet të protestave qytetare, i inkurajoj të publikojnë me paanësi aktet e paligjshme.
I ftoj gjithashtu të gjithë qytetarët të “shndërrohen” në gazetarë dhe të denoncojnë abuzimet dhe dhunën e pajustifikuar, të papranueshme dhe të dënueshme të çdo punonjësi të Policisë së Shtetit.
Një BRAVO E MADHE për çdo gazetar dhe qytetar që nuk zmbrapset dhe frikësohet nga aktet e dhunës të pajustifikueshme, por i pasqyron ato me guxim.
PROTESTAT PAQËSORE JANË VETË DEMOKRACIA!”-shkruan Meta.