Rritja e çmimeve ka bërë bashkë qytetarët shqiptarë, të cilët njëzëri i kërkojnë qeverisë të ndërhyjë dhe të marrë masa. Prej pesë ditësh në vend janë zhvilluar protesta në qytete të ndryshme.

Këtë të dielë qytetarët janë barë bashkë përballë Kryeministrisë, duke protestuar kundër rritjes së çmimeve. Edhe pse ishte ditë pushimi, sërish mijëra qytetarë vërshuan në shesh.

Ndërkohë qytetarët janë shprehur se protesta do të vijojnë çdo ditë në orën 17:00, ndërsa të shtunën do të marshojnë.

“Tashmë njerëzit janë ngritur. Çdo ditë të javës në orën 5 këtu. Të shtunën marshojmë. Ka ardhur momenti,” thanë aktivistët.

Nuk kanë munguar edhe ironi ndaj politikanëve, duke i kujtuar atyre premtimet e bëra gjatë fushatave

“A e doni naftën pa akcizë apo jo? Meqë këto premtime nuk janë mbajtur, a t’i këndojmë Braçes këngën e tij”, u shpreh një qytetar