Një grup trafikantësh shqiptarë dhe italianë janë arrestuar nga policia e Romës, mëngjesin e sotëm.

Të arrestuar janë 13 persona, shumica shqiptarë.

Në pranga është vënë edhe këngëtarja e njohur shqiptare, Elsa Lila.

Vlonjatja që jeton e punon në Itali prej më shumë se 25 vitesh, është arrestuar në shtëpinë e saj në Romë.

Nga hetimet e Antimafias së Romës, është zbuluar dhe roli i këngëtares shqiptare.

Elsa Lila akuzohet se ishte llogaritarja e grupit kriminal që shiste drogë.

Lila ka qenë pjesë e një grupi të trafikimit të lëndëve narkotike, së bashku me ish-boksierin shqiptar Petrit Bardhi, i cili dhe më herët ka qenë i arrestuar në Itali, për të njëjtën vepër penale.

Mediat italiane raportojnë se deri tani janë ekzekutuar 9 nga 13 urdhër arrestet e lëshuara nga prokuroria.

Petrit Bardhi nga ana tjetër, është vënë në pranga edhe 7 vite më parë, pas atij operacioni që u quajt ‘boksierët’, pasi veç tij u arrestuan dhe disa kolegë, përfshirë Orial Kolajn, ‘kampionin italian dhe evropian i peshave të mesme dhe maksimale’.