Ish-anëtarja e Kryesisë së PD Endlira Bushati ka reaguar pas kërcënimeve të Gazment Bardhit, i cili mbrëmjen e sotme kërcënoi gjykatësin që do të japë nesër vendimin për ndryshimet statutore të marra në Kuvendin e demokratëve në 11 dhjetor.
Në një postim në rrjetin social Facebook, ajo shkruan se Bardhi flet në emër të Edi Ramës.
Gjithashtu, Bushati citon edhe Kodin Penal, duke theksuar se për kanosjen e gjyqtarit Gazment Bardhi rrezikon deri në 3 vite burg.
Neni 317 i ligjit thotë se kanosja që i bëhet gjyqtarit apo anëtarëve të trupit gjykues, prokurorit, avokatit ose çdo arbitri të caktuar për një çështje për shkak të veprimtarisë së tyre, dënohet me gjobë ose me burgim gjer në tre vjet.
Postimi
"Kush është Gazmend Bardhi që guxon të shantazhojë gjykatën me fjalët “po i thotë burgut “hapu”….”…..
Në emër të kujt flet ky individ….? Përveçse në emër të Edi Ramës”.