Ish-kryeministri Sali Berisha në një intervistë për emisionin 'Zonë e Lirë' tha se pjesa gri e demokratëve do të joshen nga një Parti Demokratike me një frymë krejt tjetër.
Nëse është e hapur dera e PD për ambasadoren e SHBA, Yuri Kim, ish-kryeministri tha se ajo duhet t'i kërkojë falje demokratëve pasi i ka fyer rëndë.
"PD do jetë parti e votës së lirë, e forumeve, e ligjeve. Do bëjmë çdo gjë për shuarjen e sherreve. U bëj thirrje të shtrijmë dorën e të pajtohemi me demokratët që u ndamë.
Për këtë çështje unë jam shprehur. Dera e PD është e hapur për të gjithë përfaqësuesit e vendeve mike për çdo diplomat. Zonja Kim duhet t’u kërkojë ndjesë demokratëve për barin që u serviri. Kjo është fyerja më e rëndë që u ka bërë dikush në 30 vite atyre.
Rikthimet nuk janë dëshirë njerëzore.Shikon edhe mikun e Ramës në Greqi. Kur Papandreu me pa mua tha “Kur u rikthye Berisha pse mos rikthehem dhe unë”.”-tha Berisha.
