Ish-kryeministri Sali Berisha ka folur për aferën korruptive të inceneratorëve në emisionin ‘Bardh e Zi’. Duke folur për procedurën koncensionare, Berisha theksoi edhe njëherë se ajo është bërë me një procedurë që përjashtohet nga ligjet e vendit.
Berisha theksoi se Sekretari i Përgjithshëm i Kryeministrisë, Engjëll Agaçi, ka përdorur një term që mund ta çojë ‘fluturimthi” në pranga tek deputeti i PS, Alqi Bllako.
“I ka hyrë tmerri sepse ka firmosur një vendim në të cilën për hir të së vërtetës i thotë se kjo kompani nuk plotëson asnjë kusht për këtë vendim.
Ka firmosur një vendim për një kontratë e cila në mënyrë flagrante është në dhunim të të gjitha ligjeve.
Procedura, ligji shqiptar, parashikon procedurë të hapur, të hapur me kufizim, të hapur me negociatë. Ky ka zhvilluar procedurën e mbyllur me negociatë, e cila përjashtohet tërësisht nga ligjet e vendit.
Këtë e ka patur e shkrojtur e zezë mbi të bardhë që kjo procedurë nuk ekziston.
Engjëll Agaçi për ta sheqerosur mashtrimin, ka përdorur një term të ndërmjetëm që e çon Agaçin fluturimthi tek Bllakoja.
Mafia e plerave dhe betonit janë dy mafiat kryesore të botës.”-tha Berisha.
Kujtojmë se për aferën korruptive të inceneratorëve janë vënë në pranga një ish-deputet dhe një ish-ministër i Ramës, Lefter Koka dhe Alqi Bllako