Ish-kryeministri Sali Berisha në një prononcim për mediat, pas përfundimit të mbledhjes së grupit parlamentar të PD, ka folur në lidhje me procesin e zgjedhjes së Presidentit.
Berisha e ka cilësuar si praktikë mafioze, propozimin e emrave me zarfa sekret.
“Në mbledhje të grupit theksova se opozita s’mund të përfaqësohet kurrë me të emëruar nga Taulant Balla. Kjo praktike merr fund e s’do e njohë kurrë PD një praktikë të tillë.
Së dyti, denoncova me forcën më të madhe praktikën mafioze që ndjek Rama për procesin e zgjedhjes së Presidentit, praktikë që diskretiton institucionin e Presidencës e vetë zgjedhjen e Presidentit, praktikë kjo që përlyen qartësisht me aspektet e saj mafioze cdo lloj pjesëmarrje në një proces, të cilin në kushte normale duhet të merrnin pjesë të gjitha palët, praktikë që s’ka asnjë qëllim tjetër vec të nxjerrë nga zyrat e tij njeriun që do dhe që komandon.”-tha Berisha.