Një biznesmen italian është kthyer në të penduar të drejtësisë dhe po ndihmon në goditjen e mafies së rrezikshme italiane Ndragheta.
Biznesmeni quhet Antonio Guastelagname dhe ka bërë shumë bujë me rrëfimet e tij. Mes të tjerash, ai rrëfen se një ministër i korruptuar shqiptar mbronte trafikun e drogës që kryhej nga Ndragheta. Ai thotë se bëhet fjalë për një ministër të Brendshëm ose të Drejtësisë.
Për trafikantët shqiptarë, Guastalegname thotë se “kishin mbështetjen e qeverisë shqiptare”. “Nëse më kujtohet mirë, subjekti i korruptuar ishte ministri i Drejtësisë ose i Brendshëm, megjithatë ishte një figurë e rëndësishme politike shqiptare”, shprehet i penduari.
Një lidhje që bashkëpunëtori i drejtësisë thotë se e ka mësuar nga një trafikant me emrin Eduard ose Robert në një udhëtim Firence-Bolonja.
Mediat italiane shkruajnë se bëhet fjalë për shqiptarin Robert Lazaj, 50 vjeç. Ai është arrestuar në vitin 2019 si pjesë e një bande shqiptaro-italiane të lidhur me Ndraghetën.
Lazaj ishte kreu i bandës që akuzohet për trafik kokaine dhe kanabisi.
Mediat italiane publikuan në dhjetor të vitit 2019 emrat e katër shqiptarëve të arrestuar në kuadër të operacionit “Sabbia 2”: Lulzim Shkurtaj, Eduart Tahiraj, Floriand Tahiraj dhe Robert Lazaj. Mediat italiane kanë publikuar fotot e tyre dhe skemën si funksiononte banda kriminale.
Hetimet u kryen gjatë periudhës tetor 2018–mars 2019 nga ku u zbuluan takimet dhe bisedat mes Valerio Navarra, pjesë e Ndrangheta-s dhe Robert Lazajt për dërgesat e sasive të ndryshme të drogës. Në kohë të ndryshme gjatë disa operacioneve këtij grupi i janë sekuestruar sasi të konsiderueshme marijuane që ishte trafikuar nga Shqipëria dhe kokainë