Presidenti Ilir Meta, në përkujtim të Ditës së Dëshmorëve të Atdheut, i është drejtuar me një mesazh të posaçëm veçanërisht brezit të ri të vendit.
Meta e ka shoqëruar mesazhin, edhe me foton e të riut antifashist Qemal Stafa, vrasja e të cilit më 5 maj 1942, në moshën 22 vjeçare, u bë simbol i kësaj dite pas çlirimit.
“5 Maji është një ditë kujtese dhe nderimi për Qemal Stafën dhe mijëra të rinj e të reja që dhanë jetën për kauzën e Lirisë," shkroi Meta në Fb.
"Sot është edhe një ditë e madhe frymëzimi për të ndërtuar një të ardhme më të mirë të Shqipërisë dhe për të qenë gjithmonë vigjilentë në mbrojtje të sovranitetit, lirisë dhe pavarësisë. Lavdi të përjetshme dëshmorëve të paharruar të Atdheut!”, e përfundon mesazhin e tij, kreu i shtetit