Ish-kryeministri Sali Berisha thotë se Antony Blinken duhet t'i kërkojë të falur për vendimin pa prova që e shpalli non grata.
Në 'Open' lideri historik demokrat komentoi edhe vizitën e anuluar të Lulzim Bashës në SHBA, të cilin, siç tha Berisha, e zbritën në Romë.
"U nis për në Romë, e sigurt. por nuk shkoi dot. Është tjetër FBI dhe tjetër DASH. I kanë ca ligje. Jo vizë ka, por je i ndaluar për ligjin", u shpreh Berisha.
Blinkenit, shtoi Berisha, nuk i kërkon që të tërheqë vendimin, por të kërkojë ndjesë publike.
Pjesë nga intervista
Pyetje: Do e rregulloni pozicionin tuaj si kryetar i PD me SHBA?
Sali Berisha: S’kam kërkuar dhe s'kam për ta bërë që zoti Blinken ta heqë atë vendim. Unë dua të kërkojë të falur. Të falur nuk kërkon se nuk lejon arroganca. Në momenti në të dalë fakti i parë, unë marr çdo vendim kundër vetes.
Pyetje: Pse ka ndaluar në Romë?
Sali Berisha: Kjo është e njohur. Përsëri, servilet i propozuari i Gaz Bardhit si përfaqësues i opozitës. Operacioni kishte vetëm një qëllim, të ndihmojë Qeverinë e Edi Ramës, të fusë Bashën në qeveri me të, dhe unë do e kundërshtoja me gjithë forcën dhe nuk isha dakord. Nuk kishte qëllim tjetër ky. Fitoren që ta dini ju se kam bazuar te faktori i jashtëm. Nga 97-ta, ka ardhur këtu e gjithë bota e lirë demokratike, me mesazhin që unë duhej të largohesha nga politika. Kjo është e vërteta