Nga foltorja e Kuvendit, ish-kryeministri Sali Berisha kërkoi ngritjen e komisionit hetimor, për të hetuar dëshminë e ish-prokurorit Arjan Ndoja, i cili u shpreh se ka biseda telefonike të kryeministrit Edi Rama me bandat. Berisha ngriti gjithashtu dyshime se kreu aktual i qeverisë Edi Rama, mund të ketë gisht në atentatin ndaj ish-prokurorit Ndoja

Ish-kryeministri Sali Berisha kërkoi këtë të hënë nga foltorja e Kuvendit ngritjen e një komisioni hetimor urgjent për dëshminë e prokurorit Arjon Ndoja, i cili ka deklaruar se ka të regjistruara bisedat telefonike të Edi Ramës me bandat.
Berisha ngriti dyshime, se kreu i qeverisë ka gisht në atentatin që iu bë prokurorit Ndoja 2 vite me parë.

Në fjalën e tij në parlament, Berisha hodhi akuza të forta, se Edi Rama, me kërkesë të presidentit turk Erdogan, po i bën presion kreut të KMSH-së, Bujar Spahiu, për të dhënë dorëheqjen.

Teksa u ndal tek ngjarja në Kavajë, ku 31-vjecari Ilvi Meta u gjet i vdekur ne komisariat, Berisha dënoi qëndrimin e regjimit për këtë rast që sipas tij nuk është i izoluar, ndërsa e quajti vrasje të mirëfilltë shtetërore. Berisha u kërkoi deputetëve në sallë 1 minutë heshtje në nder të Ilvi Metës, por kësaj thirrje nuk iu përgjigjën deputetët e mazhorancës, të cilët ndryshe nga ligjvënësit opozitarë, zgjodhën të flisnin