Sali Berisha, ish-kryetar i PD
Ish-kryeministri Sali Berisha në përfundim të mbledhjes së Komisionit të Rithemelimit tha se janë caktuar që deputetët Luçiano Boçi dhe Oerd Bylykbashi ‘për të negociuar me partitë opozitare në emër të PD’.
Berisha nga ana tjetër e konsideroi Enkelejd Alibeaj si ‘ministër virtual të Edi Ramës’. Sipas tij kriteret e caktuara nga Alibeaj për presidentin e ri janë të diktuara nga Rama-Balla dhe kanë si synim të zgjedhin president që do kryeministri.
Ish-kryeministi tha se zgjedhja e Presidentit të ri është ‘trajtuar si një çështje familjare’ ku sipas tij, Rama pretendon se emri i tij është më i propozuari nga deputetët e PS dhe sugjerimeve për kandidimin e Linda Ramës për presidente’.
“Ky proces po trajtohet si një çështje familje. Kjo ka ndodhur vetëm në Argjentinë, por aty ka pasur ngjarje tragjike”, tha Berisha