Enkelejd Alibeaj vazhdoi farsën presidenciale një ditë më parë, duke arritur kulmin pasi deklaroi se kishte arritur një marrëveshje.

E ashtuquajtura marrëveshje, parashikon që opozita të propozojë kandidatë në raundet humbëse. Deklarata e tij u prit me tallje në median sociale.

“Nuk e kuptoj këtë lajmin që po bubullin në çdo ekran se opozita paska fituar të drejtën për të propozuar kandidat për President në raundin e dytë dhe të tretë! Këtë të drejtë kushtetuta ja jep çdo grupi deputetësh prej 20 vetësh!” ironizon analisti Lutfi Dervishi.

Edhe analisti Ylli Manjani ndan të njëjtin mendim.

“Nuk e kuptoj, përse duhet marrëveshje politike nëse 20 deputetë bëhen bashkë për të propozuar një kandidat për President,siç shkruhet në Kushtetutë?! Marrëveshje për të zbatuar diçka që është e shkruar në Kushtetutë?! Opozita del në provim para mazhorancës!!!!

Uauuu, çfarë logjike! Ç'farë muhabeti është ky?! Politikë apo pazar?! Dialog apo dialesh?! Konsensus apo cirk? Pfffffff... neveri!

Një gjë e arriti Lul Basha tash 9 vite, opozitën e "Kërpëratës". Do ta kemi mesa duket edhe nja 3 vite të tjera... Akoma më shumë neveri...”, shkruan ai.