Presidenti Ilir Meta komentoi thirrjet e kryeministrit Edi Rama ndaj SPAK për ta hetuar. Kreu i Shtetit tha se Rama ka ankthe dhe frikë nga drejtësia që e ka kapur vetë.

I ftuar në emisionin “Të Pakespozuarit”, Meta u shpreh se nuk i është shmangur kurrë drejtësisë.

Presidenti thotë se frikë ka vetëm nga e vërteta dhe ligji.

Ylli Rakipi: Ndiheni të frikësuar nga SPAK?

Meta: Zoti Rama ka ato frikat e veta dhe ankthet e veta dhe kërkon të çlirohet. Ka shumë shokë që i ka bërë bedela për korrupsionin e tij. Ato janë cironka në të gjithë këto afera. Asgjë nuk bëhet pa vullnetin e kryeministrit. Të gjitha ato aktet janë kundërshtuar nga shumë ish-ministra. Ai ka hallet e veta. Ka 10 vjet që po qeveris në Shqipëri. Nuk ka me kë të ndajë fajin. Thotë shikoni çfarë ka bërë Meta, Berisha dhe pellazgët. Sa i takon raportit të Metës me drejtësinë. Ka qenë i hapur dhe i drejtpërdrejtë. Ilir Meta kur nuk i është shmangur drejtësisë, që nga viti 92’.

Ylli Rakipi: Ju e konsideroni drejtësinë të kapur…

Meta: Ai pse ka ankthe nga drejtësia e vetë? Unë kam frikë nga e vërteta dhe ligji. Nuk kam frikë nga abuzimi me pushtetin. Kur nuk kisha frikë 22 vjeç, kur ishte doktori. Dhe më kërcënonin. Ky thotë të përgjigjet Ilir Meta. Meta nëse ka ndonjë gjë që mund të përgjigjet, janë fasadat e Edi Ramës në ministrinë e Kulturës